BARAZA LA VETERINARI TANZANIA (VCT)

1. : Kusajili, kuandikisha na kuorodhesha wataalam watoaji huduma za Afya ya Wanyama (Madaktari wa Wanyama (BVM), wataalam wasaidizi (Diploma holder) na wasaidizi wa wataalam wasaidizi (Certificate holder)
   1.  Mahitaji ya jumla ya kukamilisha taratibu za usajili, kuandikisha na kuorodhesha

1. Kufungua akaunti kwenye mfumo wa wizara wa “www.mimis.mifugo.go.tz

Kusajili Madaktari (registration of veterinarians)

1. Kujaza taarifa binafsi za muombaji (Majina kamili, taarifa za makazi, kuambatanisha kitambulisho kimoja wapo kati ya vitakavyohainishwa katika mfumo)

                     1.2: Sifa za muombaji wa Usajili (Registration of veterinarian)

1. Mhitimu wa Shahada ya Afya wa Wanyama (Bachelor of Veterinary Medicine) katika chuo kinachotambulika na Serikali
2. Awe amehitimisha mafunzo ya uanagenzi kwa muongozo wa Baraza la Veterinari (Internship program)
3. Kwa waliosoma nje ya Tanzania awe amefanya mtihani wa Baraza Pamoja na kuhitimisha mafunzo ya uanagenzi kabla ya kufanya taratibu za usajili
4. Mtaalam husika atume maombi ya kupatiwa usajili kwenye mfumo wa kuomba vibali wa Wizara kwa tofuti www.mimis.mifugo.go.tz

                     1.3:  Sifa za muombaji kuandikishwa (Enrollment of Diploma)

1. Mhitimu wa NTA level 6 (Diploma of Animal health and production, Diploma of Tropical Animal health and production au diploma of Animal health) katika chuo kinachotambulika
2. Mhitimu awe amefanya mtihani wa Baraza na kufaulu kabla ya kufanya taratibu za kuorodheshwa
3. Mtaalam husika atume maombi ya kupatiwa usajili kwenye mfumo wa kuomba vibali wa Wizara kwa tofuti www.mimis.mifugo.go.tz

 

                   1.4: Sifa za kuandikishwa (Enlistment of Certificate)

1. Mhitimu wa NTA level 5 (Certificate of Animal health, Certificate of animal health and production) katika chuo kinachotambulika
2. Mtaalam husika atume maombi ya kupatiwa usajili kwenye mfumo wa kuomba vibali wa Wizara kwa tofuti www.mimis.mifugo.go.tz

2.0: Kutoa lesini kwa Wakaguzi wa Nyama (Meat inspectors), Wataalam wa Maabara (Veterinary Laboratory Technicians) na Wahimilishaji (Artificial Insemination technicians)     2.1: Mahitaji ya jumla ya kukamilisha taratibu za kupata leseni

1. Kufungua akaunti kwenye mfumo wa wizara wa “www.mimis.mifugo.go.tz

Kusajili Madaktari (registration of veterinarians)

1. Kujaza taarifa binafsi za muombaji (Majina kamili, taarifa za makazi, kuambatanisha kitambulisho kimoja wapo kati ya vitakavyohainishwa katika mfumo)

2.2: Sifa za kuomba leseni ya UKaguzi wa Nyama (Meat Inspector)

1. Anatakiwa kuwa mtaalam aliesajiliwa, kuandikishwa au kuorodeshwa kama mtaalam wa afya ya Wanyama kwa ngazi ya Shahada, Stashahada au Astashahada ya Afya ya Wanyama
2. Mtaalam husika atume maombi ya kupatiwa leseni kwenye mfumo wa kuomba vibali wa Wizara kwa tofuti www.mimis.mifugo.go.tz

2.3:  Sifa za kuomba leseni ya Wataalam wa Maabara (Veterinary Laboratory Technicians)

1. Mhitimu wa NTA level 6 (Diploma of Veterinary Laboratory technician au Diploma ya Laboratory Technician) katika chuo kinachotambulika
2. Mtaalam husika atume maombi ya kupatiwa leseni kwenye mfumo wa kuomba vibali wa Wizara kwa tofuti www.mimis.mifugo.go.tz

2.4: Sifa za kuomba leseni ya Uhimilishaji (Artificial Insemination technician)

1. Anatakiwa kuwa mtaalam aliesajiliwa, kuandikishwa au kuorodeshwa kama mtaalam wa afya ya Wanyama kwa ngazi ya Shahada, Stashahada au Astashahada ya Afya ya Wanyama na fani zingine zinazohusika na uzalishaji wa wanyama
2. Mtaalam anatakiwa amepata mafunzo ya Uhimilishaji kutokea kwenye kituo cha Taifa cha Uhimilishaji (NAIC) na kupatiwa cheti cha mafunzo
3. Mtaalam husika atume maombi ya kupatiwa leseni kwenye mfumo wa kuomba vibali wa Wizara kwa tofuti www.mimis.mifugo.go.tz

3.0: Kusajili na kutambua vituo vya kutolea huduma za Wanyama (Veterinary facilities) (Recognition Veterinary Companies and Veterinary training Institutions), (Reg.,istration of Veterinary Hospital, Veterinary Clinics, Veterinary Laboratories, Veterinary Centre, Veterinary ambulatory services, Consultation firm, Veterinary Quarantine Station)

3.1: Mahitaji ya jumla ya kukamilisha taratibu za usajili  na kutambua wa Vituo vya kutolea huduma za Wanyama

1. Kufungua akaunti kwenye mfumo wa wizara wa www.mimis.mifugo.go.tz, akaunti inaweza funguliwa na mtu binafsi, kampuni, taasisi au asasi binafsi na za kidini
2. Kujaza taarifa binafsi za muombaji, kampuni, asasi za kidini, taasisi  (Majina kamili, taarifa za eneo kilipo kituo , kuambatanisha kitambulisho kimoja wapo kati ya vitakavyohainishwa katika mfumo kama ni mtu binafsi, tin number, leseni ya biashara)
3. Kuambatanisha mikataba ya wataalam watoa huduma kwenye kituo husika kulingana na matakwa ya usajili wa kituo
4. Kuambatanisha vyeti vya wataalam kulingana na matakwa ya kituo husika kulingana na mahitaji ya usajili
5. Kuambatanisha fomu ya ukaguzi wa kituo kulingana na matakwa ya usajili wa kituo husika (inspection checklist)
6. Kulipia ada ya usajili kulingana na kituo husika kilichoombewa usajili
7. Kujaza taarifa kulingana na matakwa ya kimfumo na aina ya kituo kinachoombewa usajili

Zingatio

Maombi yakiwasilishwa kwenye mfumo yanafanyiwa mapitio (Registrar Review),maombi  yakiwa yamekidhi vigezo kulingana na muamala husika yanaenda hatua nyingine ya kufanya malipo (Registration/ Lisence Fee), lakini kama maombi yakiwa hayajakizi mahitaji yanarudishwa kwa muombaji kwaajili ya maboresho na kutumwa tena (returned application for resubmission after correction).

Baada ya maombi yote kuwasilishwa na kupitiwa na Sekretarieti ya Baraza la veterinari na kufanyiwa malipo, Maombi yanaingia katika hatua ya Council Review ambapo yatasubiri kikao cha Baraza (Council) kwa ajili ya mapitio na Baraza kupewa kibali cha kutoa vyeti kwa walioomba Usajili na leseni mbalimbali (Approval).

 

 

IDARA YA HUDUMA ZA MIFUGO (DVS)

MWONGOZO WA USAFIRISHAJI WA WANYAMA NA MAZAO YA WANYAMA NDANI NA NJE YA NCHI

1.0 UTARATIBU WA KUSAFIRISHA MIFUGO NDANI YA NCHI

Usafirishaji wa wanyama na mazao ya mifugo ndani ya nchi hufanywa kwa mujibu wa Sheria ya Magonjwa ya Wanyama sura 156 kupitia Kanuni zake za Udhibiti wa Usafirishaji wa Wanyama na Mazao ya Wanyama za Mwaka 2007 zikisomwa pamoja na marekebisho yake ya mwaka 2020 (GN 489A za tarehe 29 Juni, 2020), marekebisho ya mwaka 2022 (GN 478C za tarehe 4 Julai, 2022) na marekebisho ya mwaka 2023 (GN 448K za tarehe 30 Juni, 2023). Sheria ya Ustawi wa Wanyama sura 154.  Lengo la Kanuni hizi ni kuhakikisha wanyama au mazao ya Wanyama yanakaguliwa kabla ya kusafirishwa; na hivyo kudhibiti usambaaji wa magonjwa ya wanyama na kulinda afya ya Jamii dhidi ya magonjwa au madhara yanayoweza kuwapata binadamu kutokana na Wanyama.

Kuna aina mbili za wadau wa usafirishaji wa wanyama ndani ya nchi. Aina hizo za Wadau ni wale wenye wanyama wanaosafirisha kwa ajili ya Biashara na wale wanaosafirisha kwa ajili ya kwenda kufuga eneo jingine ndani ya nchi.

 

1.1 Wanyama na mazao ya wanyama yanayosafirishwa kwa ajili ya Biashara

Ili kuweza kusafirisha wanyama ndani ya nchi kwa ajili ya biashara, mfanyabiashara anapaswa kuwa na sifa zifuatazo:

1. Awe na nambari ya mlipakodi ya Mamlaka ya mapato Tanzania (TRA) pamoja na Tax clearance.
2. Awe amesajiliwa na anatambuliwa na Bodi ya Nyama Tanzania (Tanzania Meat Board-TMB).
3.  Awe na leseni ya biashara ya kusafirisha wanyama ndani ya nchi ambayo hutolewa na Wizara ya Viwanda na Biashara kupitia BRELA. Mfanyabiashara atatakiwa kuomba leseni hii kwa njia ya mtandao kupitia tovuti ya BRELA ambayo ni https://ors.brela.go.tz akiambatisha nyaraka zilizotajwa hapo juu pamoja na barua ya utambulisho kutoka kwa Afisa  Minada mmojawapo wa minada ya upili.
4. Mfanyabiashara mwenye nyaraka zilizotajwa hapo juu atatakiwa kulipia gharama za ukaguzi na kukata kibali cha kusafirisha Wanyama (Animal Health Livestock Movement Permit) kila safari ya kusafirisha wanyama. Kibali hiki hupatikana kwa Wakaguzi wa wanyama walioko minadani, Kwenye Ofisi za Idara ya Mifugo katika Halmashauri za Serikali za Mitaa zote nchini au kwa Afisa Mifugo wa Serikali aliyekasimishwa madaraka na Daktari wa Mifugo wa Wilaya (DVO) kutunza na kutoa nyaraka hizo kupitia kwenye mfumo wa utoaji wa vibali vya wanyama na mazao ya wanyama (Mifugo integrated Management information System-MIMIS).

 

1. Kibali cha kusafirisha mazao ya wanyama kama vile, ngozi, pembe, mifupa, kwato, damu n.k huombwa kupitia MIMIS. Msafirishaji atatakiwa kujisajili kwenye mfumo huo na kisha kuingia na kuomba kibali. Ndani ya mfumo atatakiwa kuingiza nyaraka mbalimbali kama zilivyoainishwa kwenye kipengere ‘a’ hadi ‘c’ hapo juu

Gharama za kusafirisha aina mbalimbali za mifugo ndani ya nchi zimeainishwa kwenye majedwali yaliyoko kwenye Kanuni zilizotajwa hapo juu.

 

1.2 Wanyama wanaosafirishwa kwa Ajili ya kufugwa

Mtu yeyote anayetaka kusafirisha wanyama (Ng’ombe, mbuzi na kondoo) atatakiwa:

1. Kuwa na barua au uthibitisho kutoka Serikali za Mitaa za Kijiji/mtaa na kupitishwa na Daktari wa Mifugo wa Halmashauri wanako pelekwa wanyama au Mkuu wa Idara ya Mifugo katika Halmashauri za Serikali za Mitaa kuwa Mhusika anaeneo linaloweza kufuga idadi ya Wanyama aliyoomba kuwapeleka katika eneo husika.
2. Kulipia gharama za ukaguzi na kukata kibali cha kusafirisha Wanyama (Animal Health Livestock Movement Permit) kwa kila safari (consignment). Kibali hiki hupatikana kwa Wakaguzi wa Mifugo walioko minadani, Kwenye Ofisi za Idara ya Mifugo katika Halmashauri za Majiji, Manispaa, Miji na Wilaya kote nchini au kwa Afisa Mifugo wa Serikali aliyekasimishwa Madaraka ya kutunza na kutoa nyaraka hizo kupitia MIMIS.

 

1.3 Tozo za Vibali vya Kusafirisha Wanyama na Mazao ya Wanyama Ndani ya Nchi

Gharama za kusafirisha aina mbalimbali za wanyama ndani ya nchi ni kwa mujibu wa GN 489A na GN 478C ambazo zinapatikana kwenye tovuti ya Wizara ya Mifugo na Uvuvi (www.mifugouvuvi.go.tz) .

 

2.0 UTARATIBU WA KUINGIZA NA KUSAFIRISHA KWENDA NJE YA NCHI WANYAMA NA MAZAO YA WANYAMA

Mdau kabla ya kufanya malipo ya Wanyama na mazao ya wanyama yanayopaswa kuingizwa nchini  lazima awe amekwisha omba kibali na kuruhusiwa kuingiza Wanyama hao nchini kutoka mamlaka za veterinari za Tanzania. Vilevile, mdau anapotaka kusafirisha Wanyama au mazao ya Wanyama nje ya nchi, anapaswa kuwa amekwisha omba kibali na kuruhusiwa kupeleka Wanyama hao kutoka mamlaka za veterinari za nchi husika.

2.1 Sheria Husika

Uagizaji na Usafirishaji wanyama na Mazao ya wanyama nje ya nchi hufanywa kwa mujibu wa Sheria ya Magonjwa ya Wanyama sura 156 kupitia Kanuni zake za Udhibiti wa Usafirishaji wa Wanyama na Mazao ya Wanyama ya Mwaka 2007 ikisomwa pamoja na marekebisho yake ya mwaka 2020 (GN 489A za tarehe 29 Juni, 2020), marekebisho ya mwaka 2022 (GN 478C za tarehe 4 Julai, 2022) na marekebisho ya mwaka 2023 (GN 448K za tarehe 30 Juni, 2023). Gharama za bidhaa au Wanyama anazopaswa kutozwa mteja zimetajwa kwenye majedwali yaliyoko ndani ya Kanuni hizo zinapatikana kwenye tovuti ya Wizara ya Mifugo na Uvuvi (www.mifugouvuvi.go.tz).

2.2 Uombaji wa Vibali

Utaratibu wa kuomba vibali vya kuingiza wanyama/mazao ya wanyama kutoka na kuingia Tanzania ni kupitia mfumo wa utoaji vibali ujulikanao kwa jina la Mifugo integrated Management information System (MIMIS). Mwombaji atatakiwa kujisajili kwenye mfumo huo kupitia link: mimis.mifugo.go.tz na kisha kuingia na kujaza fomu kupandisha nyaraka husika na kuwasilisha maombi kwenye mfumo.

 

IDARA YA UENDELEZAJI WA MAENEO YA MALISHO NA RASILIMALI ZA VYAKULA VYA WANYAMA (DGLF)

 

UTARATIBU WA KUSAFIRISHA RASILIMALI ZA VYAKULA VYA MIFUGO NDANI YA NCHI

1.0        Hatua ya Kwanza (Kusajiliwa na Wizara ya Mifugo na Uvuvi)

1.1        Nani anahitajika Kusajiliwa?

Kampuni/ kikundi/ mtu binafsi ambaye atakuwa anasafirisha rasilimali za vyakula vya mifugo (kama, chakula cha mifugo, pumba za mahindi, pumba za mchele, Mashudu ya alizeti nk

1.2        Faida za Kusajiliwa ni zipi?

1. Kutambulika na taasisi/mamlaka mbalimbali zinazosimamia biashara.
2. Kuwahakikishia watumiaji wa bidhaa zako ubora na usalama wa bidhaa husika
3. Kuzisaidia mamlaka husika kupata takwimu sahihi za biashara husika

1.3        Taratibu na Mahitaji wa Kusajiliwa kwa Mfanyabiashara wa kusafirisha rasilimali za vyakula vya mifugo

1.3.1     Nyaraka za Kuwasilisha

1. Namba ya Utambulisho ya Mlipaji Kodi (TIN)
2. Mtu binafsi ambatisha kitambulisho cha NIDA/Leseni/Mpiga kura
3. Kampuni/kikundi/taasisi ambatisha cheti cha usajili wa kampuni/kikundi/taasisi

1.3.2     Hatua 4 za kufuata ili kujisajili na kupata kibali cha kusafirisha rasilimali za vyakula vya mifugo

1. Kuingia ; https://mimi.mifugo.go.tz
2. Kufungua akaunti
3. Kuambatisha nyaraka husika
4. Kuomba kibali cha kusafirisha rasilimali za vyakula vya mifugo

 

B. TARATIBU ZA KUSAJILI ENEO LA UZALISHAJI/KUUZIA/KUHIFADHIA VYAKULA VYA MIFUGO

1.0        Hatua ya Kwanza (Kusajiliwa na Wizara ya Mifugo na Uvuvi)

1.1        Nani anahitajika Kusajiliwa?

Kampuni/ kikundi/ mtu binafsi ambaye atakuwa anazalisha/uza/kuhifadhi vyakula vya mifugo

1.2        Faida za Kusajiliwa ni zipi?

1. Kutambulika na taasisi/mamlaka mbalimbali zinazosimamia biashara.
2. Kuwahakikishia watumiaji wa bidhaa zako ubora na usalama wa bidhaa husika
3. Kuzisaidia mamlaka husika kupata takwimu sahihi za biashara husika

1.3        Taratibu na Mahitaji wa Kusajiliwa kama mzalishaji/muuzaji/ muhifadhi wa vyakula vya mifugo

1. 1. 1. Nyaraka za Kuwasilisha
2. Namba ya Utambulisho ya Mlipaji Kodi (TIN)
3. Mtu binafsi ambatisha kitambulisho cha NIDA/Leseni ya udereva/Mpiga kura
4. Leseni ya biashara kutoka Halmashauri husika
5. Kampuni/kikundi/taasisi ambatisha cheti cha usajili wa kampuni/kikundi/taasis kutoka BRELA
6. Cheti cha mtaalam ambaye atasimamia eneo la uzalishsji(supervisor) aliyesoma Shahada ya sayansi ya Wanyama (Bsc. Animal Science),Bsc. Food Science and Technology, Bsc.Biotechnology and Laboratory Science
7. Mchoro wa eneo husika
8. Barua ya ofisi ya mazingira kutoka katika mamlaka ya eneo husikia

1.3.2     Hatua 4 za kufuata ili kujisajili na kupata kibali cha kusafirisha rasilimali za vyakula vya mifugo

1. Kuingia ; https://mimi.mifugo.go.tz
2. Kufungua akaunti
3. Kuambatisha nyaraka husika
4. Ombi la cheti cha eneo husika

 

IDARA YA UZALISHAJI NA MAENDELEO YA MASOKO (DPMD)

MWONGOZO WA USAFIRISHAJI WA MIFUGO NA MAZAO YA MIFUGO NDANI NA NJE YA NCHI

1. UTARATIBU WA KUSAFIRISHA MIFUGO NDANI YA NCHI

Usafirishaji wa mifugo/wanyama ndani ya nchi hufanywa kwa mujibu wa Sheria ya Magonjwa ya Wanyama sura 156 kupitia Kanuni zake za Udhibiti wa Usafirishaji wa Wanyama na Mazao ya Wanyama za Mwaka 2007 zikisomwa Pamoja na marekebisho yake ya mwaka 2020 (GN 489A za tarehe 29 Juni, 2020), marekebisho ya mwaka 2022 (GN 478C za tarehe 4 Julai, 2022) na marekebisho ya mwaka 2023 (GN 448K za tarehe 30 Juni, 2023). Lengo kuu la Kanuni hizi ni kudhibiti usambaaji wa magonjwa ya Wanyama hivyo kulinda uchumi wa wafugaji na Taifa kwa ujumla na pia kulinda afya ya Jamii dhidi ya magonjwa au madhara yanayoweza kuwapata binadamu kutokana na Wanyama.

Kuna aina mbili za wadau wa usafirishaji mifugo ndani ya nchi. Aina hizo za Wadau wa Mifugo ni wale wenye Mifugo inayosafirishwa kwa ajili ya Biashara na wale wenye Mifugo inayosafirishwa kwa ajili ya kwenda kufugwa eneo jingine ndani ya nchi.

1. Mifugo inayosafirishwa kwa ajili ya Biashara

Ili kuweza kusafirisha mifugo ndani ya nchi kwa ajili ya biashara, Mfanyabiashara anapaswa kuwa na sifa zifuatazo:

1. Awe na nambari ya mlipakodi ya Mamlaka ya mapato Tanzani (TRA) pamoja na Tax clearance.
2. Awe amesajiliwa na anatambuliwa na Bodi ya Nyama Tanzania (Tanzania Meat Board-TMB)
3. Awe na leseni ya biashara ya kusafirisha mifugo ndani ya nchi ambayo hutolewa na Wizara ya Viwanda na Biashara kupitia BRELA. Mfanyabiashara atatakiwa kuomba leseni hii kwa njia ya mtandao kupitia tovuti ya BRELA ambayo ni https://ors.brela.go.tz akiambatisha na nyaraka zilizotajwa hapo juu pamoja na barua ya utambulisho kutoka kwa Afisa  Minada wa mojawapo ya minada ya upili nchini.
4. Mfanyabiashara mwenye nyaraka zilizotajwa hapo juu atatakiwa kulipia gharama za ukaguzi na kukata kibali cha kusafirisha mifugo/Wanyama (Animal Health Livestock Movement Permit) kila safari ya kusafirisha wanyama. Kibali hiki hupatikana kwa Wakaguzi wa Mifugo walioko minadani, Kwenye Ofisi za Idara ya Mifugo katika Halmashauri za Serikali za Mitaa zote nchini au kwa Afisa Mifugo wa Serikali aliyekasimishwa madaraka na Daktari wa Mifugo wa Wilaya (DVO) kutunza na kutoa nyaraka hizo kupitia kwenye mfumo wa utoaji wa vibali vya wanyama na mazao ya wanyama (Mifugo integrated Management information System-MIMIS).

Gharama za kusafirisha aina mbalimbali za mifugo ndani ya nchi zimeainishwa kwenye jedwali No. 1

1. Mifugo Inayosafirishwa kwa Ajili ya kufugwa

Mtu yeyote anayetaka kusafirisha mifugo (isipokuwa ndege wafugwao) atatakiwa:

1. Kuwa na barua au uthibitisho kutoka Serikali za Mitaa za Kijiji/mtaa na kupitishwa na Daktari wa Mifugo wa Halmashauri au Mkuu wa Idara ya Mifugo katika Halmashauri za Serikali za Mitaa.
2. kulipia gharama za ukaguzi na kukata na kibali cha kusafirisha mifugo/Wanyama (Animal Health Livestock Movement Permit) kila safari (consignment). Kibali hiki hupatikana kwa Wakaguzi wa Mifugo walioko minadani, Kwenye Ofisi za Idara ya Mifugo katika Halmashauri za Majiji, Manispaa, Miji na Wilaya kote nchini au kwa Afisa Mifugo wa Serikali aliyekasimishwa madaraka kutunza na kutoa nyaraka hizo kupitia MIMIS.

 

1. Tozo za vibali vya kusafirisha Mifugo ndani ya Nchi

Gharama za kusafirisha aina mbalimbali za mifugo ndani ya nchi ni kwa mujibu wa GN 489A na GN 478C ambazo zinapatikana kwenye tovuti ya Wizara ya Mifugo na Uvuvi (www.mifugouvuvi.go.tz) .

 

UTARATIBU WA KUINGIZA NA KUSAFIRISHA KWENDA NJE YA NCHI WANYAMA NA MAZAO YA WANYAMA

Uagizaji na Usafirishaji Mifugo/wanyama na Mazao yake nje ya nchi hufanywa kwa mujibu wa Sheria ya Magonjwa ya Wanyama sura 159 kupitia Kanuni zake za Udhibiti wa Usafirishaji wa Wanyama na Mazao ya Wanyama ya Mwaka 2007 ikisomwa Pamoja na marekebisho zake za mwaka 2020 (GN 489A za tarehe 29 Juni, 2020), marekebisho ya mwaka 2022 (GN 478C za tarehe 4 Julai, 2022) na marekebisho ya mwaka 2023 (GN 448K za tarehe 30 Juni, 2023). Gharama za bidhaa au Wanyama anazopaswa kutozwa mteja zimetajwa kwenye majedwali yaliyoko ndani ya Kanuni hizo zinapatikana kwenye tovuti ya Wizara ya Mifugo na Uvuvi (www.mifugouvuvi.go.tz).

Utaratibu wa Kuomba vibali vya kuagiza mifugo/mazao ya mifugo kutoka na kuingia Tanzania ni kupitia mfumo wa utoaji vibali ujulikanao kwa jina la Mifugo integrated Management information System (MIMIS)